Uran Butka u lind në Tiranë më 2 dhjetortë vitit 1938 dhe është i biri i Safet Butkës nipi i Sali Butkës, poet, patriot dhe luftëtar i shquar i Pavarësisë së Shqipërisë.
Pasi kreu studimet pedagogjike, punoi për 16 vjet mësues i gjuhës shqipe dhe letërsisë  në rrethet Fier, Krujë dhe Tiranë. Ndërkohë, mbaroi me korespondencë studimet në Universitetin e Tiranës, degët Letërsi dhe Histori (1960) dhe dha mësime në gjimnazin e Krujës. U pushua nga puna si arsimtar për motive  biografie dhe punoi si piktor në fabrikën e këpucëve në Tiranë (1971-1976), pasi kreu edhe shkollën e mesme për pikturë.

Në vitin 1976 u internua me gjithë familje nga Tirana për motive politike , fillimisht në rrethin e Tropojës, mandej në Martanesh, ku jetoi për 11 vjet i izoluar, duke ia ndryshuar edhe profesionin dhe duke punuar si llogaritar në koperativën e fshatit.

Në prag të proceseve demokratike, u kthye në Tiranë, ku punoi për disa vjet në punë të ndryshme komunale si bojaxhi, disenjator e dekorator.

Qe një nga drejtuesit kryesorë të Shoqatës kombëtare të të përndjekurve politikë të Shqipërisë, 1991 – 1992 dhe kryeredaktor i gazetës “Liria” për  disa vjet.

Në vitin 1991 u emërua nga Komiteti pluralist i Tiranës mësues  dhe nëndrejtor i gjimnazit “Ismail Qemali”.

Ndërkohë mori pjesë aktivisht në Lëvizjen Demokratike dhe u zgjodh deputet i PD në Parlamentin shqiptar ne dy legjislatura (1992-’96 dhe 1996-’97). Gjatë kësaj periudhe ushtroi edhe detyrën e kryetarit të Komisionit parlamentar të Medias dhe të Kulturës.

Ka qenë anëtar i kryesisë qëndrore së Partisë Demokratike dhe anëtar i Këshillit Kombëtar të saj.

Në vitin 2005 u largua nga politika dhe punoi në profesion të lirë si publicist, shkrimtar dhe historian. Ka shkruar e botuar një varg librash në fushën e publicistikës, studimeve historike dhe të letërsisë artistike, që janë vlerësuar.

Aktualisht drejtor i Institutit të Studimeve Historike “Lumo Skëndo

Uran Butka është i martuar me znj. Merjeme Pasmaçiu, mjeke nefrologe. Kanë tre fëmijë, dy vajza dhe një djalë.

Monografi dhe studime historike

• Ringjallje (1995)
• Kthimi i Mid’hat Frashërit, jeta dhe veprat kryesore ( 1997)
• Mukja-shans i bashkimit, peng i tradhtisë ( 1998)
• Gjeniu i kombit, monografi historike ( 2000)
• Safet Butka, jeta dhe veprat( 2003)
• Lufta civile në Shqipëri 1943-1945( 2006)
• Bombë në Ambasadën Sovjetike (2008), botimi në anglisht 2014.
• Elita shqiptare( 2009)
• Masakra e Tivarit(2013)
• Dritëhije të historisë(2012)
• Kryengritjet e para kundërkomuniste(2013)

Letërsi artistike

• Vdekja e bardhë, tregime, 2001
• Humbja nuk është mbarim, tregime, 2004
• Në shtëpinë tonë, tregime, 2008
• Miti i Haxhi Qamilit, roman, 2010
• Dora e shtetit, tregime (2010)
• Kristo Kirka, ese (2012), nderuar me çmimin kombëtar “Penda e argjendtë”
• Më në fund të lirë, tregime ( 2013)
• Vetëm nje natë, tregime

Skenarë filmash & dokumentarë

• “Ventotene”
• “Lëvizja Kryeziu”
• “Pesë herë i dënuar politik”
• “Kryengritja e Malësisë së Madhe”
• “Kryengritja e Postribës”
• “Dy poetët martirë”
• “Mallakastra siç ka qenë”
• “Kryengritja e Dibrës më 1913”
• “Mid’hat Frashëri”
• “Martirët”.
• Baba Kamber Prishta

Mirënjohje dhe vlerësime